前列腺(Prostate)，又稱攝護腺，是男性獨有的身體器官。有人話係男人都會前列腺肥大，真？據衛生署資料指出，60歲以上男性，超過一半都有前列腺增生疾病。到了80歲以上，更有9成以上男人患有前列腺肥大！前列腺健康問題，你一定想知多啲！
相信好多人都知道，前列腺健康往往同年紀掛鉤，男士只要年紀漸長，或多或少都要面對前列腺嘅問題。
Table of Contents
前列腺常見問題
而最常見嘅問題主要分為3大方面：
- 第一就係良性前列腺增生、
- 第二係驗血時前列腺指數高，
- 最後就係前列腺癌症嘅問題。
當前列腺開始增生時，並無明顯徵狀，原因係膀胱會慢慢適應良性前列腺增生所帶嚟嘅影響，如膀胱肌肉會變得愈嚟愈強壯，抵銷日益漸增嘅壓力。
然而膀胱長此下去，反而有機會變得過度活躍，出現如繼發性膀胱過度活躍性、甚至導致尿失禁。
呢種變化屬不能逆轉，就算日後完成治療，膀胱活躍嘅情況都唔能夠完全復原。
因此，現時嘅發展趨勢之一就係及早檢查，搵出高風險嘅男士，係佢真係前列腺肥大之前，就已經進行多啲預防嘅工作，減少因為惡化而影響嘅問題。
幾早開始進行前列腺健康檢查
要幾早開始進行檢查？需視乎：
- 有冇家族歷史？
- 小便流速有無減弱？最強流速係唔係低於10.6mL/s？
- 前列腺有無變大？會唔會大過31ml？
- 小便後留喺膀胱嘅尿液有多少？
- 前列腺指數有沒有變化？國際前列腺徵狀評分（IPSS） ≥8？
- 前列腺特異性抗原（PSA）有沒有提升至>1.6ng/mL？
一般建議，男士到咗55歲就應該接受健康評估。
但如果若有以上問題，評估嘅時間就需要提早至50歲開始，從而預防整體病情惡化，包括減低患上急性尿瀦留、進行入侵性手術等風險。
#前列腺健康 #良性前列腺增生 #前列腺指數 #前列腺癌症 #繼發性膀胱過度活躍性 #及早檢查 #家族歷史 #泌尿外科專科醫生 #簡煒文醫生 #醫Learning
*簡煒文醫生提醒：以上內容僅供參考，所有預防及治療方法都有不同的成效、副作用及風險。如有懷疑，請向主診醫護人員查詢。